Bugun Meta (Facebook) kompaniyasining Boshqaruvchi direktori hamda Xitoy, Mo‘g‘uliston va Markaziy Osiyo mamlakatlari davlat siyosati masalalari bo‘yicha rahbari Jorj Chen va Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov o‘rtasida onlayn uchrashuv o‘tkazildi.
Uchrashuvda Fond va Meta kompaniyasi o‘rtasida hamkorlik memorandumi imzolanishi va 2022 yilga mo‘ljallangan qo‘shma tadbirlar rejasi ishlab chiqilishi bo‘yicha kelishuvga erishildi. Unga asosan mamlakatimizdagi OAV, davlat idoralari va mansabdor shaxslar, O‘zbekistonning xorijdagi elchilari sahifalarini verifikasiyalash, matbuot kotiblari, jurnalistlar va blogerlar uchun o‘quv kurslari o‘tkazishga kelishib olingan.
Hamkorlikdagi kurslarda kontent yaratish va uni boshqarish, yolg‘on axborotlarga qarshi kurashish, kiberxavfsizlik sohasida raqamli savodxonlikni oshirish mavzularida ham maxsus treninglar o‘tkaziladi.
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
