"Al-Hilol" "Liverpul" futbolchisi uchun 80 million yevro taklif qildi, ammo...

"Liverpul" hujumchi Darvin Nunyes bo‘yicha taklifni rad etdi.

Urugvaylik futbolchini "Al-Hilol" sotib olishga qiziqmoqda. Anfield Watch xabariga ko‘ra, Saudiya Arabistoni klubi Nunyes uchun 70 million funt sterling (taxminan 83 million yevro) taklif qilgan, biroq rad javobini olgan. "Liverpul" hali ham forvardni sotishdan kamida 85 million funt (deyarli 101 million yevro) ishlab olishni istamoqda - bu futbolchi 2022 yilning yozida "Benfika"dan sotib olingan mablag‘dir.

Transfermarkt ekspertlari Darvin Nunyesning narxini ancha past - 65 million yevro deb baholamoqda. 25 yoshli futbolchining mersisaydliklar bilan shartnomasi 2028 yilgacha mo‘ljallangan.