Oxirgi haftada ushbu virusdan 50 kishi vafot etdi va qit’aning 18 ta davlatida ularning umumiy soni 1,1 ming kishiga yetdi. Bu haqda Afrika Kasalliklarni nazorat qilish va oldini olish markazi rahbari Jan Kaseya ma’lum qildi, deb yozadi TASS.
"Biz ushbu epidemiyaga qarshi kurashishda davom etamiz va uning barcha Afrika mamlakatlariga tarqalishini istamaymiz", – deya Kaseyning so‘zlaridan iqtibos keltirgan Associated Press.
U, shuningdek, vaziyat nazoratdan chiqib ketayotganidan xavotir bildirdi va xalqaro hamkorlarni yordam berishga chaqirdi.
"Biz samarali javob berish uchun va’dalarni tezda real mablag‘larga aylantirishimiz kerak", – deya qo‘shimcha qildi u.
Afrika markazi va Jahon sog‘liqni saqlash tashkiloti tomonidan taklif qilingan olti oylik rejaning taxminiy byudjeti deyarli 600 million dollarni tashkil etadi, shundan 55 foizi allaqachon ajratilgan.
Zambiya va Zimbabve shu haftada maymun chechagi bo‘yicha holatlarini tasdiqladi va Keniyada virusdan birinchi o‘lim qayd etildi. Shu bilan birga, Ruanda va Kongo Demokratik Respublikasida emlash boshlandi.
Avgust oyida Jahon sog‘liqni saqlash tashkiloti Afrikada maymun chechagi epidemiyasini global favqulodda holat deb e’lon qildi va Kongoni episentr sifatida ta’kidladi. Yil boshidan buyon Afrikada 42 mingdan ortiq infeksiya holati qayd etilgan.
Isroil Eronga zarba berishga tayyorlanmoqda. Saudiya Arabistonining reaksiyasi
Tojikiston Rossiyaga talabnoma yo‘lladi
Ukrainaga ommaviy hujum uyushtirildi
