Avval ijtimoiy tarmoq foydalanuvchilari bu raqam SS belgilariga o‘xshashligini payqashgan edi.
Adidas Germaniya terma jamoasining yangi formasini taqdim etganidan so‘ng, ko‘plab ijtimoiy tarmoq foydalanuvchilari 44-raqamli futbolkaning shrift dizaynida nasistlar tashkiloti SS belgilarini ko‘rishdi.
NSDAP Schutzstaffel'ning (1933-1945) harbiylashtirilgan kuchlari dastlab SS deb atalgan, keyinchalik bu ikki harf runik shaklda yozilgan.
Germaniya futbol assosiasiyasi Germaniya terma jamoasida hech bir futbolchi 44-raqamni kiymasligini malum qildi va bu ijtimoiy tarmoq foydalanuvchilarida shubha uyg‘otdi. Evropa chempionatida Germaniya terma jamoasining barcha futbolchilari 1 dan 23 gacha raqamlarga ega bo‘ladi.
Biroq, Adidas onlayn-do‘konida mijozlar trikotajni shaxsiylashtirishi va uni nomi va raqami bilan bezashlari mumkin. Kompaniya Führer yoki Hitler kabi yozuvlarni blokirovka qilishga qaror qildi, ammo mijozlar, masalan, Gebbels yoki Goering kabi familiyalarni tanlashlari mumkin edi.
«44-raqamni imkon qadar tezroq bloklaymiz. Adidas 100 ga yaqin mamlakatdan odamlarni ish bilan ta’minlaydi va xilma-xillik va inklyuzivlikni targ‘ib qilishga intiladi. Kompaniya sifatida biz ksenofobiya, antisemitizm, zo‘ravonlik va nafratning barcha ko‘rinishlariga faol qarshi chiqamiz», dedi Adidas vakili Oliver Bruggen Bild nashriga.