SSKA klubining o‘zbekistonlik yetakchisi Abbosbek Fayzullayevga Portugaliya tomonidan qiziqish bo‘lgan. Bu haqda taniqli futbol agenti German Tkachenko ma’lum qildi.
- Futbolchi tomoni "Benfika" bilan muzokaralar olib borayotgandi. Biroq Lissabon jamoasi bu transferni siyosiy sabablarga ko‘ra rad etdi. Ular Rossiya bilan biznes yuritmaslik yaxshiroq, degan pozisiyada. Biz Fayzullayevni "Benfika"ga o‘tishini muhokama qildik. Lekin birinchi bosqichdayoq klub rossiyaliklar bilan o‘zaro munosabatlar borasida rad javobini berdi. "Biz Rossiya bilan ish qilmaymiz" degan tezis paydo bo‘ldi, - dedi Tkachenko.
Fayzullayevga Fransiya, Germaniya, Italiya va Yevropaning boshqa bir nechta klublari qiziqish ham bildirmoqda.
Qayd etish joiz, Fayzullayevdan oldin o‘zbekistonlik yana bir futbolchi Husayn Norchayevga ham Portugaliyaning taniqli klublaridan biri "Braga" "og‘iz solgan"di. Ammo viza bilan bog‘liq muammolar sabab transfer amalga oshmay qoldi.
Eslatib o‘tamiz, avvalroq 21 yoshli Fayzullayev xizmatlariga Turkiyaning "Galatasaroy" klubi befarq emasligi xabar qilingandi.
"Manchester Siti" bugun o‘z maydonida "Lester"ni qabul qiladi
Abduqodir Husanov «Lester»ga qarshi o‘yinda nega tushmadi?
"Real" finalda "Atletiko" yoki "Barsa" bilan o‘ynaydi
