Sherzod Namozov ikki karra Paralimpiya o‘yinlari chempioni bo‘ldi.
Para dzyudochilar ham Parij-2024 yozgi Paralimpiya o‘yinlarida O‘zbekiston delegasiyasi uchun qimmatli medallarni taqdim qilishni boshlashdi.
J2 klassida -60 kg vazn toifasida ishtirok etgan Namozov finalda gruziyalik Zurab Zurabyanini mag‘lubiyatga uchratib, oltin medalga sazovor bo‘ldi. Bu Namozov uchun Paralimpiya o‘yinlaridagi ikkinchi chempionlik.
Shu tariqa, delegasiyamiz hisobidagi medallar hozircha 7 ta oltin, 5 ta kumush va 4 ta bronzaga yetdi.