58 yoshli yarim himoyachi Kazuyoshi Miura faoliyatini yangi klubida davom ettiradi.
O‘tgan mavsumni Yaponiya 4-divizionida "Atletiko Sudzuka" safida o‘tkazgan dunyoning eng keksa futbolchisi 3-divizion vakili "Fukusima Yunayted" bilan bir yillik shartnoma asosida ijara asosida o‘ynaydi, deb xabar bermoqda Japan Today mahalliy OAVga tayanib.
Keyingi mavsum yaponiyalik uchun professional faoliyatidagi 41-mavsum bo‘ladi. Miura Braziliya, Italiya, Xorvatiya, Avstraliya, Portugaliyada o‘ynagan. Yaponiya terma jamoasi safida u 89 ta o‘yin o‘tkazib, 55 ta gol urgan.
O‘tgan mavsumda Kazuyoshi 7ta o‘yinda maydonga tushgan bo‘lsa, "Atletiko Sudzuka" mintaqaviy ligaga tushib ketdi va turnir jadvalida 2-o‘rinni egallab, pley-off bosqichida mag‘lub bo‘ldi.
Eslatib o‘tamiz, 26 fevral kuni Miure 59 yoshga to‘ladi.
Gvardiola Husanov sariq kartochka olgan vaziyat haqida fikr bildirdi
Elmurod Haqnazarov braziliyalik raqibidan ustun keldi
"Zaxiramizda boshqa Shomurodov, Yusupov va Husanov yo‘q!"
