Bu haqda Financial Times nashri xabar bermoqda.
Nashr manbalariga ko‘ra, suhbat juma kuni, 4 iyulda o‘tkazilishi rejalashtirilgan, ammo muloqot sanasi va vaqti o‘zgarishi mumkin.
FT ma’lumotlariga ko‘ra, Zelenskiy suhbat chog‘ida kelajakda Ukrainaning Amerika qurollarini sotib olishi masalasini ham ko‘tarishi rejalashtirilgan. Oq Uy va Ukraina prezidenti ofisi nashrning suhbat yuzasidan yo‘llagan savollariga javob bermagan.
Eslatib o‘tamiz, 2 iyul kuni AQSh tomonidan Ukrainaga qurollar, jumladan, havo hujumidan mudofaa tizimlari uchun raketalar yetkazib berish to‘xtatilgani ma’lum bo‘ldi. Pentagon buni Eronga berilgan zarbalardan so‘ng AQSh o‘z ehtiyojlari uchun yetarli miqdorda o‘q-dori zaxirasiga ega ekaniga ishonch hosil qilmagani bilan izohladi.
