Xonanda Dilmurod Daliyev kecha, 23 mart kuni tunda xotinini pichoqlab qo‘ydi. Buning oqibatida ayol vafot etgan.
Bu haqda uning do‘sti Mirzoozod Mirzane’matov o‘zining ijtimoiy tarmoqlardagi sahifasida ma’lum qildi.
Bosh prokuratura ma’lumotlariga ko‘ra, oilaviy janjal oqibatida xonanda oshxona pichog‘i bilan ayolga bir necha marta pichoq urgan. Natijada marhum olgan tan jarohatlari tufayli voqea joyida vafot etgan.
Xabarda aytilishicha, holat yuzasidan jinoiy ish qo‘zg‘atilgan. Hozirda tergov harakatlari olib borilmoqda.
