24 sentyabr kuni O‘zbekistonning aksariyat hududlarida quruq va nisbatan salqin ob-havo saqlanib turadi. Faqat Farg‘ona vodiysi hamda tog‘li hududlarda qisqa muddatli yomg‘ir va momaqaldiroq kuzatilishi mumkin.
"O‘zgidromet" ma’lumotiga ko‘ra, Toshkent shahrida yog‘ingarchilik kutilmaydi. Havo harorati kechasi 15-17, kunduzi 28-30 daraja atrofida bo‘ladi. Shamol sharqdan sekundiga 3-8 metr tezlikda esadi.
Qoraqalpog‘iston, Xorazm, Buxoro va Navoiy viloyatlarida ham asosan yog‘ingarchiliksiz ob-havo prognoz qilingan. Tunda harorat 12-18 daraja, kunduz kuni esa 25-30 darajani tashkil etadi.
Toshkent, Sirdaryo, Jizzax va Samarqand viloyatlarida ham kun davomida yomg‘ir kutilmaydi. Bu hududlarda havo kechasi 13-18, kunduzi 25-30 darajagacha isiydi.
Eng yuqori harorat Qashqadaryo va Surxondaryo viloyatlarida kuzatiladi. Janubiy hududlarda kunduzi havo 30-35 darajagacha ko‘tarilishi mumkin. Kechasi esa 13-18 daraja bo‘ladi.
Andijon, Namangan va Farg‘ona viloyatlarida vaziyat biroz boshqacha. Ayrim joylarda qisqa muddatli yomg‘ir yog‘ishi va momaqaldiroq bo‘lishi ehtimoli bor. Harorat kunduzi 25-30, kechasi 13-18 darajani tashkil qiladi.
Tog‘oldi va tog‘li hududlarda ham yomg‘ir va momaqaldiroq prognoz qilingan. Shamol tezligi ayrim joylarda sekundiga 13-18 metrgacha kuchayishi mumkin. Bu hududlarda kechasi 10-15, kunduzi 18-23 daraja issiq bo‘ladi.
Ra’no Shodiyeva uchun og‘ir judolik
Bog‘chada bolasi zo‘rlanishi ishi bo‘yicha tergovni Bosh prokuror shaxsan o‘z nazoratiga oldi
«Jinoyatchi qonun doirasidagi eng og‘ir jazoga tortiladi» — Saida Mirziyoyeva
