24 mart kuni Ukraina delegasiyasi Saudiya Arabistonida AQSh vakillari bilan uchrashadi

24 mart kuni Ukraina delegasiyasi Saudiya Arabistonida AQSh vakillari bilan uchrashadi, shundan so‘ng amerikaliklar rossiyaliklar bilan muzokaralar o‘tkazadi, dedi Ukraina prezidenti Vladimir Zelenskiy o‘zining bayonotida.

◾️ Sulh energetika ob’ektlarini, shuningdek, boshqa turdagi fuqarolik infratuzilmasini ham o‘z ichiga oladi. Biz fuqarolik infratuzilmasi ob’ektlari ro‘yxatini tayyorlaymiz;

◾️ Ukrainadagi barcha atom elektr stansiyalari ukrain xalqiga tegishli. Agar amerikaliklar ularni rossiyaliklardan olib, modernizasiya qilishni rejalashtirsa, bu masalani muhokama qilishimiz mumkin. Ammo AESlarimizni boshqalarning egaligiga o‘tkazish haqida muhokamalar ketmayapti;

◾️ Sanksiyalar Rossiya o‘z qo‘shinlarini bizning yurtimizdan batamom olib chiqmaguncha va tajovuzi tufayli yetkazilgan zararni qoplamaguncha kuchda qolishi kerak;

◾️ Biz Ukrainaning NATO'ga a’zo bo‘lishi ko‘plab muammolarni hal qiladi deb hisoblaymiz. Afsuski, bugungi kunda NATO'ning asosiy ittifoqchisi bo‘lgan AQSh Ukrainani alyansga qo‘shilishini qo‘llab-quvvatlamaydi;

◾️ Vengriya bosh vaziri Viktor Orban Ukrainaning Yevroittifoqqa qo‘shilishiga qarshilik qilmoqda. Agar birgina shaxs butun qit’a uchun muhim bo‘lgan yoki allaqachon kelishilgan qarorlarni bloklasa, bu butunlay antiyevropacha harakat hisoblanadi.