2025 yilgi Xalqaro Jaz kuni Abu-Dabida bo‘lib o‘tadi

Xalqaro jaz gala kechasi birinchi marta BAA poytaxtidagi eng yirik konsert maydonida bo‘lib o‘tadi.

Birlashgan Arab Amirliklari poytaxti 2025 yilgi Xalqaro Jaz kunini o‘tkazishga hozirlik ko‘rmoqda. Bu haqda bayram tashkilotchilari – YUNESKO va Xerbi Xenkok Jaz instituti ma’lum qildi.

Jahon sahnasi yulduzlari ishtirokidagi gala-konsert 30 aprel kuni mintaqadagi eng yirik yopiq joy – Abu-Dabidagi «Etihad Arena» bo‘lib o‘tadi. Konsert butun dunyo bo‘ylab millionlab tomoshabinlarga namoyish etiladi va YUNESKO, UNTV, jazzday.com, YouTube va Facebook platformalarida namoyish etiladi.

Ishtirokchilar orasida turli mamlakatlarning taniqli jaz, blyuz, klassik va zamonaviy musiqa ustalari: Xerbi Xenkok (AQSh), Markus Miller (AQSh), Jon Maklaflin (Buyuk Britaniya), Di Di Brijuoter (AQSh), Arturo Sandoval (AQSh), Nosir Shamma (Iroq), Arkam Al Abri (BAA), , Variyashri Venugopal va boshqalar bor.

Kechani “Oskar” mukofoti sovrindori britaniyalik aktyor Jeremi Ayrons olib boradi.

YUNESKO Bosh direktori Odri Azulening ta’kidlashicha, tanlov Abu-Dabiga tasodifan tushgani yo‘q - shahar rasman musiqa sohasidagi ijodiy markaz sifatida tan olingan

“Bu shunchaki konsert emas, balki xalqlar o‘rtasidagi madaniy ko‘prik bo‘ladi. Jaz tinchlik va tushunish vositasi sifatida o‘z kuchini yana bir bor tasdiqlaydi", - dedi u.

Abu-Dabi madaniyat va turizm departamenti raisi Muhammad Xalifa Al Muborakning so‘zlariga ko‘ra, bo‘lajak tadbir BAA poytaxtining global madaniy markaz sifatidagi maqomini mustahkamlaydi.

Tashkilotchilar tomonidan keng ko‘lamli madaniy-ma’rifiy dastur ham tayyorlandi. Mart oyi o‘rtalarida Abu-Dabida “Jaz oyligi” boshlandi, maktablar, universitetlar, qariyalar uylari, bolalar kutubxonalari va shifoxonalarda jonli ijrolar, mahorat darslari, ijodiy laboratoriyalar va chiqishlar o‘tkazildi.

Jazni Yaqin Sharq an’anaviy musiqasi bilan uyg‘unlashtirishga – ud, qonun va nay kabi arab cholg‘u asboblaridan foydalanishga alohida e’tibor qaratilmoqda.

Xalqaro jaz kuni har yili 30 aprelda nishonlanadi. U 2011 yilda Xerbi Xenkok tashabbusi bilan YUNESKO tomonidan tashkil etilgan va 190 dan ortiq mamlakatlarda nishonlanadi.