Tadbir tashkilotchilari Fransiya Ijrochilar uyushmasidan ish tashlash e’lonini oldilar.
Tomonlar ishtirokchilarning maoshi borasida tortishib qolgan. 26 iyul kuni Sena daryosida bo‘lib o‘tishi rejalashtirilgan o‘yinlarning keng ko‘lamli ochilish marosimida uch ming san’atkor va 400 nafar raqqosa ishtirok etishi kutilmoqda.
«Hozirda marosimlar uchun liboslar mashqlari olib borilmoqda va biz 2024 yil 26 iyul kuni shou, shuningdek, Paralimpiya ochilish marosimlari uchun navbatdagi repetisiyalar uchun ish tashlash e’lon qilinishini afsus bilan e’lon qilamiz. Bugun Parij ko‘chalarida «Birgalikda biz ko‘proq narsaga erishamiz» shiori hamma joyda bo‘lsada, bizning ish sharoitlarimiz muhokama qilinmaganini ta’kidlaymiz. Shuningdek, biz marosimlarga tayyorgarlik jarayonida shubhali amaliyotlar, muomaladagi qo‘pol tengsizliklar va ijtimoiy muloqotning yo‘qligiga e’tibor qaratdik».
- deyiladi uyushma bayonotida.
Javob sifatida tanlov tashkiliy qo‘mitasi raqqosalarning maoshi jamoa shartnomasida belgilangan minimal darajadan oshib ketishini ma’lum qildi. Ular jamoat tashkiloti bilan jamoaviy muhokamalarni davom ettirish niyatida ekanliklarini qo‘shimcha qilishdi.
Parij Olimpiadasi 26 iyuldan 11 avgustgacha bo‘lib o‘tadi.