2024 yilda "Bunyodkor"ning smetasi qancha bo‘lgandi? Klub bosh direktori aniq raqamni aytdi

"Bunyodkor" klubi bosh direktori Murodjon Aliyev "Futbol TV" kanalidagi "Bizning futbol" ko‘rsatuvi mehmoni bo‘ldi.

Bosh direktor klub smetasi haqida berilgan savolga javob berib o‘tdi: "2024 yilda "Bunyodkor"ning smetasi 59 milliard so‘m edi. Bundan tashqari Jahongir O‘rozovning transferidan, Eldor Shomurodovning keyingi transferlaridan va ijarachilardan ma’lum miqdordagi pullar kelib tushdi. Bu jami 10 milliard so‘m bo‘ldi. Shunday qilib, o‘tgan yilgi umumiy smetamiz 69 milliard so‘m bo‘ldi", - dedi Murodjon Aliyev.