Toshkentda voyaga yetmagan qizga shahvoniy shilqimlik qilgan 78-avtobus konduktori 5 sutkaga qamaldi. Bu haqda Toshkent shahri jinoyat ishlari bo‘yicha Shayxontohur tumani sudi qarorida aytildi.
Qayd qilinishicha, 43 yoshli T.B 12 yoshli qizchani haqorat qilgan. Unga har xil savollar berib, yuziga tegib, boshidan o‘pmoqchi bo‘lgan. U hozirda qilmishidan pushaymon ekani, bu holat boshqa takrorlanmasligini bayon qilib, suddan yengillik berishni so‘radi.
Fuqaro Ma’muriy javobgarlik to‘g‘risidagi kodeksning 41-1-moddasi 1-qismi (jinsiy zo‘ravonlik) bilan aybdor deb topildi. Uning 5 sutkaga ozodlikdan mahrum qilinishi belgilandi.
