Zelenskiy Kavkaz davlatlariga havo mudofaasi bo‘yicha hamkorlik taklif qildi

Ukraina Kavkaz mamlakatlariga havo mudofaasi va dronlarga qarshi mudofaa sohasida hamkorlik taklif qilmoqda.

Ukraina prezidenti Vladimir Zelenskiy bu haqda o‘zining Telegram-kanalida yozdi.

"Ukraina hozirda Yaqin Sharq va Fors ko‘rfazi mamlakatlari bilan faol ishlamoqda. Biz Kavkaz mamlakatlari bilan hamkorlikka tayyorgarlik ko‘rmoqdamiz va boshqa sheriklar bilan muzokaralar olib bormoqdamiz. Va men ta’kidlamoqchiman: Ukraina nafaqat dronlarni, balki to‘laqonli mudofaa tizimini ham taklif qilmoqda", deb yozgan u.

Zelenskiy Ukraina integrasiyalashgan mudofaa hamkorlik tizimini yaratishni taklif qilayotganini ta’kidladi: "Masalan, arab davlatlari kuchli raketa mudofaasiga ega va biz ularga [dronlar] shahidlarga qarshi va dengizda mudofaa qurishda yordam bermoqdamiz. Bu Yevropa o‘z chegaralari, qirg‘oqlari, dengizlari va infratuzilmasini himoya qilish uchun yaratishi kerak bo‘lgan integrasiyalashgan mudofaa turidir."

Uning so‘zlariga ko‘ra, mintaqada va global miqyosda ortib borayotgan xavflar, shuningdek, qurollarning, ayniqsa uchuvchisiz uchish apparatlarining doimiy ravishda takomillashtirilishini hisobga olgan holda, SAFE dasturi yetarli emas.

“Biz Yevropaning qo‘shma vositasi – dron dasturini muvofiqlashtirishimiz va yaratishimiz kerak. Biz o‘z tajribamiz, sanoatimiz va salohiyatimizga sarmoya kiritishga tayyormiz”, deb xulosa qildi Zelenskiy.