Dog‘istonda bir erkak kasalxonada shifokorlarga pichoq bilan hujum qildi

Maxachqalada bir kishi kasalxonada shifokorlarga pichoq bilan hujum qildi va ikki kishini jarohatladi.

Bu haqda Dog‘iston Sog‘liqni saqlash vazirligi ma’lum qildi.

"Hujum Vishnevskiy nomidagi Respublika klinik kasalxonasining tez tibbiy yordam bo‘limida sodir bo‘lgan. Travmatolog va jarroh jarohatlangan. Yuz va tomoqdan jarohat olgan jabrlanuvchilardan biri reanimasiyada", deyiladi bayonotda.

Rossiya Federasiyasi Tergov qo‘mitasining Respublika bo‘yicha Tergov departamenti ma’lumotlariga ko‘ra, jinoiy ish qo‘zg‘atilgan.

Dastlabki tergov ma’lumotlariga ko‘ra, kasalxonaga tashrif buyuruvchilardan biri shaxsiy adovat tufayli ikki tibbiyot xodimining hayotiy organlariga pichoq bilan jarohat yetkazgan. Hujumchi kasalxona qo‘riqchilari tomonidan qo‘lga olinib, polisiyaga topshirilgan.