Bag‘ayi: "Trampning Eron rahbariyatidagi kelishmovchiliklar haqidagi so‘zlari yolg‘on"

Eron hukumati ichidagi kelishmovchiliklar haqidagi da’volar ko‘proq chalg‘ituvchi vosita bo‘lib xizmat qiladi.

Bu haqda Eron Tashqi ishlar vazirligi vakili Esmail Bag‘ayi SNNTV telekanalida ma’lum qildi.

"Eron rahbariyati ichidagi kelishmovchiliklar haqidagi da’volar asosan e’tiborni chalg‘itishga qaratilgan. Urushdan keyin diplomatik faoliyat to‘liq birdamlik va muvofiqlashtirish muhitida davom etmoqda", deb ta’kidladi u.

Uning so‘zlariga ko‘ra, AQShning so‘nggi bir-ikki yil ichidagi, shuningdek, undan oldingi muammolaridan biri Eron xalqi va mamlakatning qaror qabul qilish mexanizmlarini tushunmaslik bo‘lgan.

"Ularning stereotiplar va noto‘g‘ri fikrlarga asoslangan taxminlari iyun oyida cheklangan harbiy zarbalar Eronni tiz cho‘ktirishi haqidagi fikrga asoslanadi. Biroq, bu butunlay noto‘g‘ri bo‘lib chiqdi. Dastlabki muvaffaqiyasizlikdan so‘ng, ular turli usullar yordamida bir xil ssenariyni takrorlashga harakat qilishdi, ammo bu safar ham natija bermadi", dedi Bag‘ayi.

U shuningdek, birdamlik va tezkor qaror qabul qilishni namoyish etgan Eron qiyin qarama-qarshilikdan so‘ng diplomatiya yo‘liga qaytganini ta’kidladi.

Eslatib o‘tamiz, 23 aprel kuni AQSh prezidenti Donald Tramp Vashington hali ham Eronning siyosiy yo‘nalishini kim aniq belgilashini tushuna olmasligini, chunki uning so‘zlariga ko‘ra, mamlakat ichida turli siyosiy kuchlar o‘rtasida kurash davom etayotganini aytgan edi.