G‘azoda teri kasalliklari keskin ko‘paymoqda

BMT vaziyat yomonlashayotgani haqida ogohlantirdi.

G‘azo sektorida ichki ko‘chirilgan shaxslar orasida teri infeksiyalari va parazitlar bilan bog‘liq kasalliklar keskin oshgani qayd etildi. Bu haqda Birlashgan Millatlar Tashkiloti vakili Stefan Dyujarrik ma’lum qildi.

Uning so‘zlariga ko‘ra, BMT boshqaradigan boshpanalarda bunday holatlar soni mart oyida keskin ortib, yanvardagi taxminan 3 ming holatdan 10 mingga yaqin odamga yetgan.

Tashkilot vaziyat yomonlashishini turar-joy yetishmasligi va gumanitar yordamga kirish cheklangani bilan bog‘lamoqda. Krizisning oldini olish uchun BMT gigiyena vositalari, dori-darmonlar va insektisidlar yetkazib berishni ta’minlashga chaqirmoqda.

Resurslar tanqisligi sabab gumanitar tashkilotlar vaqtinchalik boshpanalar qurish uchun hatto palletlardan foydalanishga majbur bo‘lmoqda. Hafta boshiga kelib G‘azo va anklavning shimolida shunday 20 ta inshoot o‘rnatilgan.

Mart oyida gumanitar tashkilotlar o‘n minglab zarur buyumlarni, jumladan chodirlar, tentlar va to‘shaklar yetkazib berib, 45 mingdan ortiq oilalarga yordam ko‘rsatgan. Biroq BMT uzoq muddatli va barqaror yechimlar kerakligini ta’kidlamoqda.

Hozirgi vaziyat davom etayotgan nizo fonida og‘ir bo‘lib qolmoqda va mintaqada keng ko‘lamli gumanitar inqirozni keltirib chiqarmoqda.