Netanyaxu: "Isroil Eronning o‘q-dori ishlab chiqarish quvvatlarining 70 foizini yo‘q qildi"

Isroil Bosh vaziri Benyamin Netanyaxu Eronning neft-kimyo sanoatiga keng ko‘lamli zarbalar berilganini tasdiqladi.

Bayonot Netanyaxuning ijtimoiy tarmoqlardagi sahifasida chop etildi.

"Men sizga Tehronda... (rasmiylarga) kurashishda davom etishimizga va’da bergan edim va hozir aynan shunday qilyapmiz. Ularning o‘q-dori ishlab chiqarish quvvatining 70 foizini yo‘q qilganimizdan so‘ng, bugun ularning neft-kimyo zavodlariga hujum qildik", dedi u.

Netanyaxu Isroil harbiylari Eronning energetika inshootlarini yo‘q qilishda davom etishini e’lon qildi.

Avvalroq, AQSh va Isroilning Eronning Xuziston viloyatidagi Mahshahr portidagi maxsus neft-kimyo zonasiga bergan zarbalari natijasida besh kishi halok bo‘lgani haqida xabar berilgan edi.