AQSh Putin qarorgohiga uyushtirilgan hujum bo‘yicha razvedka ma’lumotlarini ko‘rib chiqadi

Qo‘shma Shtatlar Rossiya prezidenti Vladimir Putin qarorgohiga Ukraina uchuvchisiz uchoqlari bilan hujum uyushtirgani taxmin qilinayotgan holatlarni tekshirish uchun mavjud razvedka ma’lumotlarini keng qamrovli tekshirish niyatida.

Bu haqda AQShning NATOdagi doimiy vakili Metyu Uitaker ma’lum qildi.

"Biz razvedka ma’lumotlarini ko‘rib chiqish orqali buning tubiga tushamiz", dedi u Fox Business bilan suhbatda, bu masalaga to‘xtalib.

Uitakerning qo‘shimcha qilishicha, Kiyevning bunday hujumi “o‘ylamasdan” bo‘ladi va Rossiya-Ukraina urushini tugatishga qaratilgan harakatlarga aniq zarar yetkazadi.

Eslatib o‘tamiz, avvalroq Ukraina prezidenti Vladimir Zelenskiy Novgorod viloyatidagi Rossiya prezidenti qarorgohiga Ukraina uchuvchisiz uchoqlari tomonidan hujum uyushtirilgani haqidagi iddaolar yolg‘on ekanini ma’lum qilgandi.

"Hozirda Rossiyadan juda xavfli bayonotlar yangramoqda, ular bizning AQSh prezidenti Donald Tramp jamoasi bilan tinchlikni yaqinlashtirish bo‘yicha qo‘shma ishimiz natijasida erishgan barcha yutuqlarimizga putur yetkazishga qaratilgan. Hozirda Rossiya tomoni Rossiya rahbarining qaysidir qarorgohiga go‘yoki hujum uyushtirilgani haqida soxta voqeani o‘ylab topib olgan”, deb yozdi Ukraina rahbari.