AQSh moliya vaziri: "Vashington Moskvaga bosimni kuchaytirishga tayyor"

AQSh moliya vaziri Skott Bessent Ukraina bosh vaziri Yuliya Sviridenko bilan uchrashuvda Vashingtonni Rossiyaga bosimni sezilarli darajada oshirish uchun boshqa G7 davlatlari bilan ishlashga tayyorligiga ishontirdi.

Bu haqda AQSh moliya vazirligi matbuot xizmati tarqatgan yozma bayonotda aytilgan.

Hujjat shuni ko‘rsatadiki, Bessent AQShning Yevropadagi ittifoqchilari nafaqat Rossiyaga, balki Rossiya neftini sotib oluvchi davlatlarga ham bosimni kuchaytirishi kerakligini ta’kidlagan.

G‘aznachilik kotibi Sviridenkoga Ukrainani qayta tiklash fondini qo‘llab-quvvatlagani uchun minnatdorchilik bildirdi.

Eslatib o‘tamiz, avvalroq Ukraina prezidenti devoni rahbari Andrey Yermak Sviridenko boshchiligidagi Ukraina delegasiyasi mamlakat havo hujumidan mudofaa tizimini mustahkamlash imkoniyatlarini muhokama qilish uchun AQShga borganini ma’lum qilgandi. Ukraina energetikasi va qish mavsumiga tayyorgarlik ham muhokama mavzusi bo‘ladi.