Sietl polisiyasi zargarlik do‘konida 90 soniya davom etgan surbetlarcha o‘g‘irlik haqida ma’lum qildi. Jinoyatchilar 2 mln dollarlik olmos, qimmat soatlar va tillalarni qo‘lga kiritgan.
AP xabariga ko‘ra, 15 avgust kuni kunduzi Sietlning g‘arbiy qismida joylashgan zargarlik do‘koniga to‘rt nafar niqobli shaxs hujum qilib talon-taroj qildi. Ular bolg‘alar bilan eshikni sindirib kirib, oltita peshtaxtani buzib, qimmatbaho buyumlarni yig‘ib ketishgan.
Jinoyatchilar o‘g‘irlab ketgan buyumlar soni aniqlandi: ular Rolex soatlarini taxminan 750 ming dollarlik hajmda, shuningdek, 125 ming dollarlik zumrad taqinchoqni o‘g‘irlab ketishgan. Polisiya ma’lumoticha, ular xodimlarni qo‘rqitish maqsadida elektroshoker va ayiqqa qarshi sprey ishlatishgan, ammo hech kim jabrlanmagan.
Do‘kon egasi Josh Menashe xodimlar qattiq qo‘rqqanini va do‘kon ma’lum vaqt yopiq qolishini aytdi. Hozirda zarar to‘liq hisoblanmoqda.
Hodisa joyiga polisiya qisqa vaqtda yetib kelgan bo‘lsa-da, o‘g‘rilar mashinada qochib ketishga muvaffaq bo‘lishgan. Ular hozir qidirilmoqda. Tekshiruv ishlari davom etmoqda.
Xitoyliklar ayol o‘rnini bosa oladigan robot ixtiro qildi
AQSh Rossiyaga qurol-yarog‘ bo‘yicha kelishuvni muzokaralar uchun "rag‘bat" sifatida taklif etishi mumkin
"Evropa menga nima deyishimni buyura olmaydi..."
