Isroil askarlari Suriya janubidagi bir qancha xududlarga bostirib kirdi

Isroil askarlari Suriya janubidagi Al-Quneytra viloyatidagi bir necha qishloqqa kirib, u yerda nazorat punktlari o‘rnatdi.

Bu haqda Suriyaning SANA agentligi ma’lum qildi.

Undagi ma’lumotlarga ko‘ra, "Isroil qo‘shinlari Al-Quneytra viloyatining markaziy va janubiy qismlarida joylashgan bir qancha qishloq va shaharlarga kirib, nazorat-o‘tkazish punktlari o‘rnatgan va tinch aholini tintuv qilgan". Xususan, beshta harbiy mashinadan iborat kolonna Golan tepaliklari bilan chegarada joylashgan Er-Rafid shahriga kirdi. Yana bir kolonna viloyatning markaziy qismida, Damashqdan 70 km uzoqlikda joylashgan Ruvayhina qishlog‘iga qarab yo‘l oldi.