Tramp Netanyaxuga baqirdi

AQSh prezidenti Donald Tramp va Isroil bosh vaziri Binyamin Netanyaxu telefon orqali muloqot chog‘ida janjallashib qolishdi.

Yaqinda bo‘lib o‘tgan telefon qo‘ng‘irog‘i chog‘ida Tramp Netanyaxuga G‘azoda ommaviy ocharchilik yo‘qligini aytganida baqirdi, deb yozadi NBC.

"Netanyaxu Trampga telefon orqali G‘azodagi ommaviy ocharchilik haqidagi ma’lumot yolg‘on ekanligini va Hamas tomonidan uydirilganini aytdi. Tramp Netanyaxuning gapini bo‘lib, ocharchilik soxta ekanini eshitishni istamasligini va uning yordamchilari unga u yerda bolalar ochlikdan o‘layotgani haqida dalillar ko‘rsatganini aytib, baqira boshladi", deyiladi xabarda.