500 nafardan ortiq xodim AQShning Iroqdagi elchixonasini tark etdi

500 dan ortiq xodim va pudratchilar AQShning Iroqdagi elchixonasini tark etishdi.

Bu haqda CNN vaziyatdan xabardor manbasiga tayanib xabar berdi. Uning so‘zlariga ko‘ra, xodimlar AQSh Eronga zarba berishidan oldin ketishni rejalashtirishgan.

Shu bilan birga, manbalarning xabar berishicha, elchixona va bosh konsullik ochiq va o‘z faoliyatini davom ettirmoqda.

Bu ma’lumotni telekanalga AQSh Davlat departamenti vakili ham tasdiqladi. Uning ta’kidlashicha, "ketishlar 12 iyunda boshlangan jarayonning davomi bo‘ldi", o‘shanda elchixona "mintaqadagi vaziyat keskinlashib borayotgani sababli ehtiyotkorlik bilan" xodimlarni tartibli jo‘natishga o‘tgan.

Davlat departamenti, shuningdek, Eronda qolib ketgan barcha amerikaliklar "uzoq vaqt davomida u erda boshpana berishga tayyor bo‘lishlari kerak" deb ogohlantirdi. Departamentning ta’kidlashicha, shtatlar Erondan "AQSh hukumati yordami bilan to‘g‘ridan-to‘g‘ri ketishni taklif qilishni rejalashtirmayapti".

22 iyunga o‘tar kechasi AQSh Isroil va Eron o‘rtasida 13 iyunda boshlangan qurolli mojaroga aralashib, Islom Respublikasi hududidagi yadroviy inshootlarga zarbalar berdi.