Tramp Xomanaiyning qayerga yashiringanini aniq biladi(mi)?

Tramp oliy oyatollaga tahdid qilib, Eronni “shartsiz taslim bo‘lishga” chaqirmoqda.

Tramp Truth Social’dagi postida Eronning yadroviy dasturiga “haqiqiy barham” berish talabini bildirib, AQSh Eronning “shuningdek Oliy rahbar” atalgan oyatulloh Ali Xomanaiyning qayerda yashiringanini aniq biladi, deb bildirdi.

“U — oson nishon, lekin hozircha u xavfsiz — biz uni yo‘q qilmaymiz (o‘ldirmaymiz!), kamida hozircha”, — deb tahdid qilmoqda Tramp.

Sankt-Gallen universiteti professori, siyosatshunos Andreas Byom BILDga bergan intervyusida bu xabar AQShning harbiy aralashuviga kirishishidan xabar beradi deb hisoblaydi:

“Hammasi shuni ko‘rsatadiki, Tramp operasiyani boshlash buyrug‘ini berishga yaqin.”

London Qirollik kolleji professori va terrorizm bo‘yicha ekspert Peter Noyman ham agar mullalar Tramp talablari asosida yadroviy dasturni to‘liq to‘xtatmasa, AQSh armiyasi bu urushga aralashishi mumkin, deb taxmin qilmoqda:

“Tramp qaytish qiyin bo‘lgan qizil chiziqni o‘tdi. Yoki u Eronga bo‘ysunadi, yoki Amerika harbiy yo‘l bilan aralashib, yadroviy dasturni butunlay yo‘q qiladi.”

AQSh vise-prezidenti Jey Di Vens ham Amerika niyatlarida shubha qoldirmadi va Xda AQShning Eronda uran boyitishni to‘xtatish uchun “qo‘shimcha choralar” ko‘rishi haqida e’lon qildi.

Tehron hozircha ultimatumga javob bermadi. Byom fikriga ko‘ra, “shartsiz taslim bo‘lish” bo‘lmaydi:

“Shartsiz taslim bo‘lish qanday ko‘rinishda bo‘ladi? Bu degani Eron rahbariyati Tramp oldida tizzasini yerga qo‘yishi kerak. Ular buga rozi bo‘lmaydi. Agar eronliklar bu talablarni qabul qilsa, tizim kamsitiladi, bu amerikaliklar oldida taslim bo‘lish bo‘ladi. Shunda rejimning legitimligi yo‘qoladi.”

Noymanning fikriga ko‘ra, Tramp faqat Eronning yadroviy dasturidan to‘liq voz kechishini shartsiz taslim deb qabul qiladi. Agar Tehron rozi bo‘lsa, Eron bilan Oq uy o‘rtasida to‘g‘ridan-to‘g‘ri muzokaralar boshlanishi mumkin. G7 sammitida Tramp AQShning yuqori lavozimli vakillarini — jumladan Yaqin Sharq bo‘yicha elchi Stiv Uitkoff yoki vise-prezident Vensni yuborishi mumkinligini bildirgan.