Zelenskiy: "AQSh Ukraina uchun rejalashtirilgan 20 mingta raketani Yaqin Sharqqa berib yubordi"

Qo‘shma Shtatlar Yaqin Sharqqa Ukrainada "shahidlar"ga qarshi kurashda qo‘llanilishi rejalashtirilgan 20 mingta raketani o‘tkazdi.

Bu haqda Ukraina prezidenti Vladimir Zelenskiy ABC News telekanaliga bergan intervyusida ma’lum qilgan.

Uning so‘zlariga ko‘ra, "shahidlar" bilan katta muammolar bor, biroq Ukraina bunga qarshi kurashmoqda va ularni yo‘q qilish vositalarini qidirmoqda. "Ammo biz nimanidir topdik va qaror qildik, menimcha, bu avvalgi ma’muriyat davrida edi, unda Mudofaa vaziri Ostin edi. Biz u bilan bitta loyihaga qaror qildik, biz bu loyihaga umid qildik. "Shahidlar"ga qarshi kurash uchun 20 ming raketa. Bu arzon edi, lekin bu maxsus texnologiya. Biz mana shu 20 ming raketaga umid qildik. Bugun ertalab mening mudofaa kotibim menga AQSh ularni Yaqin Sharqqa joylashtirganini aytdi" - dedi Zelenskiy.

5 iyun kuni The Wall Street Journal gazetasi Tramp ma’muriyati Ukraina rus dronlarini urib tushirishda foydalanayotgan raketa detonatorlarini AQSh harbiylariga yo‘naltirishga qaror qilgani haqida xabar berdi, bu dushman dronlariga qarshi kurashda asosiy texnologiya hisoblanadi. Nashrning ta’kidlashicha, Pentagon o‘tgan hafta Kongressga detonatorlar hozir AQSh Harbiy-havo kuchlarining Yaqin Sharqdagi bo‘linmalariga berilayotganini jimgina aytgan.