AQSh prezidenti Donald Tramp, agar Ilon Mask respublikachilar tomonidan taklif etilgan byudjet loyihasiga qarshi chiqqan demokrat nomzodlarni moliyalashga qaror qilsa, “jiddiy oqibatlarga” duch kelishini aytdi.
Bu haqda Oq uy rahbari NBC News telekanaliga telefon orqali bergan intervyusida ma’lum qilgan.
"Agar u buni qilsa, buning uchun pul to‘lashi kerak bo‘ladi. Bu juda og‘ir oqibatlarga olib keladi", deb ta’kidladi Tramp, u qanday choralar haqida gapirayotganini oshkor qilishdan bosh tortar ekan.
Avvalroq Tramp va Mask o‘rtasida ommaviy mojaro yuzaga kelgan, natijada X va Truth Socialda bir qator o‘zaro ayblovlar va tahdidlar yuzaga kelgan edi. Prezident Mask bilan munosabatlarni tiklash niyatida emasligini qayd etdi.
Amerika rahbari, shuningdek, ularning o‘zaro hamkorligini tugallangan deb hisoblashini qo‘shimcha qildi. "Men shunday deb o‘ylayman, ha", dedi Tramp kelajakda Mask bilan bog‘lanish niyatida emasligini ma’lum qilib. "Mening boshqa qiladigan ishlarim juda ko‘p. Men u bilan gaplashmoqchi emasman", deb qo‘shimcha qildi Oq uy rahbari.
O‘zbekistonlik tadbirkor O‘tkir Yusupovga Toshkent shahridan 3 xonali uy va’da qildi (video)
Rossiya Maskka boshpana beradimi?
Rossiya aerodromlariga hujum qilgan dronlarni tashigan yuk mashinalari haydovchilarining hech nimadan xabari bo‘lmagan
