Medvedevning rejasi Rossiyaga 50 million askarga tushadi

Urushni o‘rganish instituti (ISW) Dmitriy Medvedevning Ukraina hududida "bufer zona" yaratish to‘g‘risidagi so‘nggi bayonotlarini sharhladi.

Tahlilchilarning hisob-kitoblariga ko‘ra, bu rejani amalga oshirish - deyarli butun Ukrainani bosib olish uchun 91 yil va Rossiya aholisining uchdan bir qismigacha talab etiladi.

Medvedev Rossiya bufer zona uchun zarur bo‘lgan barcha hududni egallashi mumkinligini ta’kidladi. ISW’ning qayd etishicha, 587 459 kvadrat kilometr Ukraina hududi haqida gap ketmoqda. Shu bilan birga, 2025 yil 1 yanvardan 24 maygacha bo‘lgan davrdagi ma’lumotlarga ko‘ra, Rossiya armiyasi kuniga o‘rtacha 14,3 kvadrat kilometrga ilgarilamoqda.

Bunday sur’atda Donetsk, Lugansk, Zaporijjya va Xerson viloyatlarining faqat bosib olingan qismlarini ham egallash uchun taxminan 4 yil kerak bo‘ladi. Medvedev taklif qilgan butun hududni to‘liq egallash uchun esa qariyb 91 yil zarur bo‘ladi.

Bundan tashqari, ISW baholashlariga ko‘ra, kuniga o‘rtacha 1500 askar halok bo‘lishi yoki yaralanishini hisobga olgan holda, rejani amalga oshirish taxminan 50 million kishiga tushadi. Bu Rossiya aholisining qariyb uchdan bir qismini tashkil etadi.

Tahlilchilar ta’kidlashicha, bu hisob-kitoblarda ko‘plab geografik va mudofaa to‘siqlari hisobga olinmagan. Jumladan, Dnepr daryosi harakatlanish uchun jiddiy to‘siq bo‘lishi kutilmoqda.