Rossiya prezidenti Vladimir Putin xalqaro maydonda Rossiya biznesi manfaatlarini faol ilgari surish niyatida ekanligini bildirdi, bunda narx va sifat nisbatining muhimligini ta’kidladi. U bu so‘zlarni 26 may kuni Rossiya Federasiyasi ishbilarmon doiralari vakillari bilan uchrashuvda aytdi.
"Rossiya hukumati xorijdagi biznesni faol qo‘llab-quvvatlaydi. Tinimsiz harakat qilish, tinimsiz harakat qilish, tinimsiz harakat qilish kerak. Ishonchim komilki, biz o‘zimizga kerakli natijaga erishamiz. Eng muhimi, narx va sifat nisbati tegishli darajada bo‘lishi lozim," - dedi Putin.
Tadbirkorlar bilan uchrashuvda Rossiya prezidenti G‘arb kompaniyalarining Rossiya bozoridagi xatti-harakatlariga ham izoh berdi. Uning aytishicha, xorijiy kompaniyalarning bir qismi Rossiyaga nafaqat texnika yetkazib berishdan, balki uni texnik jihatdan qo‘llab-quvvatlashdan ham bosh torta boshlagan.
"Ba’zi G‘arb kompaniyalari bizga nafaqat uskunalarni yetkazib berishdan, balki ushbu tibbiy jihozlarga texnik xizmat ko‘rsatishdan ham voz kecha boshladi. Aytgancha, Amerika kompaniyalari bu yillar davomida hech qanday uzilishlarsiz yetkazib berish va xizmat ko‘rsatishni to‘xtatmadi. Yevropalik kompaniyalarning ko‘pchiligi esa bundan chetlashdi," - deya ta’kidladi Rossiya rahbari.
Chechen qo‘mondonidan to‘g‘ridan-to‘g‘ri tahdid: “Ruslarni o‘ldirish uchun kelgan xorijliklar yo‘q qilinadi!”
Rossiyada yakun yasaldi: SSSR yo‘q bo‘ldi
Lavrov "Bunday so‘zlarni aytish uchun surbet odam bo‘lish kerak”
