Qozog‘iston Transport vaziri Marat Qarabayev Aqtau shahri yaqinida halokatga uchragan Azerbaijan Airlines samolyoti bo‘yicha tekshiruv qaysi bosqichda davom etayotganini ma’lum qildi.
- Qozog‘iston tergov harakatlarini o‘tkazadigan davlat sifatida tasdiqlangan. Har qanday tergov bir necha bosqichlarga bo‘linadi. Birinchi bosqich - tegishli materiallarni to‘plash, ya’ni bu bosqich yakunlangan. Hozir ikkinchi bosqich davom etmoqda. Shu nuqtai nazardan, to‘plangan materiallar bo‘yicha tadqiqot ishlari olib borilmoqda. Uning doirasida bizning mutaxassislarimiz safarbar qilingan xorijlik mutaxassislar, jumladan, IKAO vakillari bilan birgalikda Boku, Grozniy va Rostovda bo‘ldi, – dedi M.Qarabayev Senatda yo‘l masalalarini muhokama qilishga bag‘ishlangan Hukumat soatidan so‘ng jurnalistlar savollariga javob berar ekan.
Eslatib o‘tamiz, o‘tgan yilning 25 dekabr kuni Bokudan Grozniyga yo‘l olgan AZAL yo‘lovchi samolyoti Aqtau yaqinida halokatga uchragan edi. Samolyot bortida 67 kishi, jumladan besh nafar ekipaj a’zosi bo‘lgan. Hodisa oqibatida 38 nafar yo‘lovchi halok bo‘lgan, 29 nafari tirik qolgan.
