"O‘zenergoinspeksiya" Buxoro viloyat hududiy boshqarmasi va Iqtisodiy jinoyatlarga qarshi kurashish departamenti bilan hamkorlikda o‘tkazilgan nazorat tadbirida Buxoro shahri “B.Naqshband” MFYda joylashgan “Buxoro shahar obodonlashtirish boshqarmasi”ga qarashli binoning elektr uskunalari hisoblagichsiz tarmoqqa ulanib, elektr energiyasidan noqonuniy foydalanganligi aniqlandi.
Ushbu qoidabuzarlik natijasida dastlabki hisob-kitoblarga ko‘ra elektr ta’minoti korxonasiga 364,9 million so‘mlik zarar yetkazilganligi ma’lum bo‘ldi.
Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.
