Putin o‘t ochishni to‘xtatishni rad etadi, Istanbulda Ukraina bilan to‘g‘ridan-to‘g‘ri muzokaralar o‘tkazishni taklif qiladi

Rossiya prezidenti Vladimir Putin Ukraina bilan to‘g‘ridan-to‘g‘ri muzokaralarga tayyorligini ma’lum qildi; ularni 15 may kuni Istanbulda boshlashni taklif qildi.

“Biz kechiktirmasdan kelasi payshanba kuni, ular avvalroq o‘tkazilgan va ular to‘xtatilgan Istanbulda boshlashni taklif qilamiz”, dedi Putin Kremlda jurnalistlarga.

Uning so‘zlariga ko‘ra, Moskva hech qanday dastlabki shartlarsiz muzokaralarga tayyor.

"Biz Ukraina bilan jiddiy muzokaralar olib borish tarafdorimiz. Ulardan maqsad mojaroning asl sabablarini bartaraf etish va tarixiy nuqtai nazardan uzoq muddatli, mustahkam tinchlik o‘rnatish", - deya qo‘shimcha qildi Putin.

Biroq u avvalroq Ukraina taklif qilgan va G‘arb tomonidan qo‘llab-quvvatlangan 30 kunlik otashkesim haqida gapirmadi. Bundan tashqari, harbiy harakatlardagi uch kunlik tanaffus tugaganidan so‘ng, Rossiya, Kiyev ma’lumotlariga ko‘ra, Ukraina shaharlariga, jumladan Kiyev, Odessa, Xarkov va Dnepropetrovsk viloyatiga dron hujumlarini qayta boshladi.

Shunga qaramay, AQSh prezidenti Donald Tramp jangovar harakatlarni tugatish ehtimoli haqida optimizm bildirdi.

"Bu Rossiya va Ukraina uchun ajoyib kun bo‘lishi mumkin", deb yozdi u "Truth" ijtimoiy tarmog‘ida va "yuz minglab odamlarning hayotini saqlab qolish mumkinligini" qo‘shimcha qildi.

Tramp “qon to‘kilishiga” barham berish uchun har ikki tomon bilan hamkorlikni davom ettirishga va’da berdi.

Bir kun avval Fransiya, Buyuk Britaniya, Germaniya va Polsha yetakchilari Tramp bilan birgalikda Putindan 30 kunlik so‘zsiz o‘t ochishni to‘xtatishga rozi bo‘lishni talab qilgan edi. Rad etilgan taqdirda, Moskva yangi qattiq sanksiyalar bilan tahdid qilindi.