Rubio Hindiston va Pokiston o‘rtasidagi keskinlikni zudlik bilan yumshatishga chaqirdi

AQSh davlat kotibi Marko Rubio Hindiston tashqi ishlar vaziri Subramanyam Jayshankar, shuningdek, Pokiston bosh vaziri Shahboz Sharif bilan telefon orqali muloqot qilib, vaziyatni zudlik bilan yumshatish muhimligini ta’kidladi va Vashington Nyu-Dehli va Islomobod o‘rtasidagi to‘g‘ridan-to‘g‘ri muloqotni qo‘llab-quvvatlashini bildirdi.

"Davlat kotibi zudlik bilan keskinlikni yumshatish zarurligini ta’kidladi. U AQSh Hindiston va Pokiston o‘rtasidagi to‘g‘ridan-to‘g‘ri muloqotni qo‘llab-quvvatlashini bildirdi va muloqotni yaxshilash bo‘yicha sa’y-harakatlarni davom ettirishga chaqirdi," - deyiladi Davlat departamenti matbuot xizmati rahbari Temmi Bryus bayonotida.

Rubio va Jayshankar o‘rtasidagi suhbat yakunlari bo‘yicha hujjatda aytilishicha, davlat kotibi Qo‘shma Shtatlarning terrorizmga qarshi kurashda Hindiston bilan hamkorlik qilishga sodiqligini tasdiqlagan.

Shahboz bilan suhbat yakunlari bo‘yicha bayonotda Rubio Pokistonni terrorchilik guruhlarini har qanday qo‘llab-quvvatlashni to‘xtatish uchun aniq choralar ko‘rishga chaqirgani qayd etilgan.