Kanada Ukrainaga 440 million Kanada dollari (305,7 million AQSh dollari) miqdorida yangi harbiy yordam paketini ajratishga qaror qildi . Bu haqda hukumatning e’lon qilingan bayonotida aytiladi .
“Bugun Ukraina mudofaa bo‘yicha aloqa guruhining 25-yig‘ilishida milliy mudofaa vaziri Bill Bler Ukrainaga 440 million dollarlik harbiy yordam ko‘rsatishini e’lon qildi”, — deyiladi xabarda.
Xususan, ushbu summaning qariyb 139 million dollari Chexiyaning Ukrainaga yirik kalibrli o‘q-dorilarni xarid qilish va yetkazib berish tashabbusiga yo‘naltiriladi .
