Зимбабведа вертолёт ҳалокати: мультимиллионер ва унинг рафиқаси вафот этди

Зимбабведа вертолёт ҳалокати оқибатида мультимиллионер Уикнелл Чивайо ва унинг рафиқаси вафот этди. Бу ҳақда New Zimbabwe хабар берди.

Марондера ҳудудида ҳалокатга учраган вертолёт бортида жами беш киши бўлган. Уларнинг ҳеч бири омон қолмаган.

The New York Times маълумотига кўра, бизнесмен рафиқаси билан шаҳар ташқарисидаги уйидан Зимбабве пойтахти Харарега қайтаётган бўлган.

Вертолёт қулаганидан сўнг ёниб кетган. Ҳалокат сабаби ҳозирча аниқланмаган. Воқеа жойида терговчилар ва авиация мутахассислари иш олиб бормоқда.

Чивайо энергетика ва инфратузилма лойиҳалари, шунингдек, тиббий ускуналар етказиб бериш орқали бойлик орттирган. У 45 ёшда эди.