Зидан футбол тарихидаги энг яхши жамоани номини айтди

«Реал»нинг собиқ бош мураббийи, Франция терма жамоаси таркибида жаҳон ва Европа чемпиони бўлган Зайниддин Зидан футбол тарихидаги энг кучли жамоа сифатида Арриго Сакки қўл остидаги «Милан»ни танлади.

«Таркибида Ван Бастен, Рейкард, Гуллит, Барези ва Мальдини бўлган “Милан”. У жамоа жуда кўп ўйинларда ғалаба қозонган. Сакки жамоаси ҳақиқатан ҳам ҳайратланарли эди», — дейди Зидан "Sempre Milan" нашрига берган интервьюсида.

Эслатиб ўтамиз, Арриго Сакки «Милан»ни 1987–1991 ҳамда 1996–1997 йилларда бошқарган. У клуб билан биргаликда Италия чемпиони, мамлакат Суперкубоги соҳиби, шунингдек, икки карра Европа чемпионлар кубоги, Европа Суперкубоги ва Интерконтинентал кубок ғолиби бўлган.