АҚШ президенти Дональд Трамп Владимир Зеленский таклиф этилган «тинчлик режаси»ни қабул қилмаса, Украинадаги уруш давом этишини маълум қилди. Бу ҳақда у Оқ уйда журналистлар билан суҳбат чоғида айтди.
Трампга кўра, АҚШ томонидан таклиф этилган янги «тинчлик режаси» – бу Украина учун урушни тўхтатиш ва тинчликка эришиш имкониятидир. У Зеленский бу таклифни маъқуллаши шартлигини таъкидлади.
«Агар Зеленскийга бу келишув ёқмаса, унда улар шунчаки курашни давом эттиришига тўғри келади», – деди Трамп.
У, шунингдек, Зеленский вақти келиб барибир қандайдир қарор қабул қилишга мажбур бўлишини айтади.
«Яқинда унга шу ерда, Оваль кабинетида айтганман: «Сенда карталар йўқ», – деди АҚШ президенти.
Трамп Украина олдида турган вазият қийинлигини, айниқса қиш мавсуми оғир кечиши мумкинлигини таъкидлади. Унинг айтишича, мамлакат энергетика инфратузилмасига бир неча бор кенг кщламли ҳужумлар қилинган, қиш эса «жуда совуқ» келиши мумкин. Бу эса Киевни сиёсий қарор қабул қилишга мажбур қилиши эҳтимол.
Ўз навбатида, айрим ОАВлар яқин ҳафтада Трамп ва Зеленский учрашуви бщлиши ва унда тинчлик режаси муҳокама қилиниши ҳақида ёзмоқда.
Reuters агентлиги эса АҚШ расмийлари Киевдан розилик олиш учун қурол-яроғ ва разведка маълумотлари етказиб беришни тўхтатиш билан таҳдид қилганини ёзган.
Россиянинг Су-57 самолётларига харидор топилди
Роналду Трампнинг Саудия Арабистони валиаҳд шаҳзодаси билан кечки зиёфатида иштирок этди
Исроил фаластинлик маҳбуслар учун ўта шафқатсиз қатл усулини тасдиқлаш арафасида
