Зеленский ўз туғилган шаҳрига берилган зарба ҳақида баёнот берди

Украина президенти Владимир Зеленский ўзи туғилиб ўсган Кривой Рог шаҳрига Россия томонидан амалга оширилган мақсадли ракета ҳужумига муносабат билдирди.

"Барча зарур хизматлар воқеа жойида бўлиб, ҳужум оқибатларини бартараф этмоқда ва аҳолига ёрдам кўрсатмоқда. Жабрланганлар мавжуд. Уларга тиббий ёрдам берилмоқда. Ҳозир маълум бўлишича, афсуски, бу ҳужум тўрт кишининг ҳаётига зомин бўлди. Ҳалок бўлганларнинг барчаси тинч фуқаролар. Марҳумларнинг оила аъзолари ва яқинларига чуқур ҳамдардлик билдираман," - деди Украина раҳбари.

Унинг таъкидлашича, "бундай ҳужумларни фақат Москвага, Россия тизимига етарли даражада босим ўтказиш орқали тўхтатиш мумкин, шунда улар уруш ва террордан воз кечишга мажбур бўладилар."

"Бу ҳамкорларимизга - Америка, Европа ва дунёдаги бошқаларга боғлиқ. Бизни тўлиқ ва сўзсиз зарбаларни тўхтатишдан фақатгина Россиянинг урушни якунлашга рози бўлмаслиги ажратиб турибди. Бундай келишувни фақат дунё ҳамжамиятининг босими таъминлай олади.

Шунингдек, Россиянинг барча бундай зарбалари Украинага етарли миқдорда ҳаво мудофаа тизимлари ва ракеталар кераклигини исботлайди, токи биз Украинадаги барча фуқароларни Россия терроридан ҳимоя қила олайлик. Бунинг учун барча ҳамкорларимиз билан ишламоқдамиз ва бизга ёрдам бераётган барчага миннатдорчилигимизни билдирмоқдамиз. Россияга босим ўтказиш ва Украинани барқарор қўллаб-қувватлаш зарурлигини тушунган ҳар бир кишига раҳмат," - деди Зеленский.