Зеленский: "Умеров бугун Уиткофф ва Кушнер билан музокаралар ўтказади"

Украина Миллий хавфсизлик ва мудофаа кенгаши котиби Рустем Умеров кеча АҚШ президенти элчиси Стив Уиткофф ва тадбиркор Жаред Кушнер билан мулоқот қилди.

Бу ҳақда Украина президенти Владимир Зеленский Уиткофф билан суҳбати якунлари бўйича ўзининг Telegram-каналида маълум қилди.

"Кеча мен президент Трампнинг махсус элчиси Стив Уиткофф ва Жаред Кушнер билан жуда яхши суҳбатлашдим. Конструктив ёндашувингиз ва жадал ишингиз учун ташаккур. Биз Россиянинг Украинага қарши шафқатсиз урушини яқинлаштириш ва барча ҳужжатлар ва қадамларни реал, самарали ва ишончли қилиш учун чинакам 24/7 ишлаймиз", деб ёзади у.

Зеленскийнинг сўзларига кўра, суҳбат чоғида бир қатор муҳим оператив тафсилотларга тўхталиб ўтган, унинг фикрича, умумий мақсадга эришиш ва барқарор тинчлик ўрнатишга ҳисса қўшиши мумкин бўлган ғоялар муҳокама қилинган. Украина президенти чинакам хавфсизлик, қайта қуриш ва узоқ муддатли тинчлик нафақат Украина, балки АҚШ, Европа ва Киевни қўллаб-қувватлаётган барча шериклар учун ҳам устувор вазифа эканини таъкидлади. У Рождество кунида эришилган келишув ва ташаббуслар келгуси ишларда фойдали бўлишига умид билдирди.

Зеленский, шунингдек, суҳбатда Рустем Умеров, Украина Қуролли кучлари бош қўмондони Андрей Гнатов, ташқи ишлар вазири Андрей Сибига, ташқи ишлар вазирининг биринчи ўринбосари Сергей Кислица, Президент девони раҳбари ўринбосари Игоьр Брусило ва дипломатик гуруҳнинг бошқа аъзолари иштирок этганини маълум қилди.

"Биз бугун Рустем Стив ва Жаред билан алоҳида суҳбат ўтказишига келишиб олдик. Бизни натижага яқинлаштириши мумкин бўлган бир кун ёки имкониятни беҳуда сарф қилмаслик тўғри деб ҳисоблаймиз. Бугунги суҳбат тинчлик сари яна бир қадам бўлсин", - дея қўшимча қилди у.