Зеленский Украинадаги президентлик сайловларини аҳамиятсиз деб атади

Украина президенти Владимир Зеленский мамлакатдаги президентлик сайловларини аҳамиятсиз деб атади. Бу ҳақда “Украинская правда” нашри Олий Рада депутатларига таяниб хабар берди.

Маълумотга кўра, Зеленский:

“Сайловлар масаласи Украина мухолифати учун муҳим, аммо қолганлар учун у аҳамиятсиз — биз учун асосий мақсад уруши тугатишдир”, — деган.

Раданинг яна бир депутати таъкидлашича, Зеленский сайлов ҳақидаги саволга жавоб берганида, агар олдинги сафларда муваффақиятсизликка дуч келинса, “бизга қандайдир оғир қарорлар қабул қилишга тўғри келиши”ни қайд этган.

Президентнинг бу баёноти Украинада давом этаётган уруш ва унинг сиёсий жараёнларга таъсири ҳақидаги баҳс-мунозараларни янада кучайтириши кутилмоқда.