Украина Президенти Владимир Зеленский дипломатик корпусда кадрлар ўзгариши ва Европадаги Беларус ва Беларус диаспораси учун махсус вакил тайинланишини эълон қилди.
Украина раҳбари бу ҳақда ўзининг ижтимоий тармоқдаги саҳифасида маълум қилди.
“Биз Европада ва бошқа жойларда дипломатик ишнинг айрим йўналишларини кучайтиришга тайёргарлик кўрмоқдамиз. Украина манфаатлари расмий даражада ва ҳозирда эркинликдан маҳрум бўлган ёки Россия таъсири остида бўлган мамлакатлардаги жамоалар билан мулоқотда ифодаланиши керак”, деди у кечки видеомурожаатида.
Шу муносабат билан, Зеленский дипломатик корпусда кадрлар ўзгариши бўлишини таъкидлади.
“Ташқи ишлар вазирлиги шунингдек, Беларус ва Европадаги Беларус ҳамжамияти учун махсус вакил тайинланиши учун номзодларни тайёрламоқда”, деди Зеленский.
Тожикистонда “тахт” транзитига тайёргарлик бошландими?
АҚШда “асрнинг энг ижобий бурилиши” юз берди
Петербургда болани қутқарган ўзбекистонлик яна бир мукофотга сазовор бўлди
