Зеленский: "Украина Запорожье атом электр станцияси ва унинг ҳудудларини муҳокама қилади"

Украина президенти Владимир Зеленскийнинг айтишича, Франциядаги музокараларда урушни тугатиш учун асосий асоснинг энг мураккаб масалалари, хусусан, Запорожье атом электр станцияси ва унинг ҳудудлари муҳокама қилиниши кутилмоқда.

Бу ҳақда Зеленский ўзининг Telegram’даги каналида ёзди.

Унга кўра, Рустем Умеров бугун Францияда украиналик музокаралар гуруҳининг иши бўйича ўзининг биринчи ҳисоботини тақдим этди. АҚШ президенти вакиллари билан музокараларнинг навбатдаги сессияси бўлиб ўтади ва бу икки кун ичида учинчи шундай сессиядир.

"Урушни тугатиш учун асосий асоснинг энг мураккаб масалалари, яъни Запорижжя атом электр стансияси ва унинг ҳудудлари муҳокама қилинишини кутамиз. Шунингдек, мен жамоага Украина, бошқа Европа давлатлари ва АҚШ раҳбарлари даражасидаги учрашувларнинг мумкин бўлган форматларини муҳокама қилишни топширдим", деб ёзган Зеленский.

Президент Украина энг мураккаб масалалардан четда қолмаслигини ва ҳеч қачон тинчликка тўсқинлик қилмаслигини таъкидлади: "Тинчлик ҳурматли бўлиши керак. Бу эса бизнинг шерикларимизга боғлиқ - улар Россиянинг урушни тугатишга чинакам тайёрлигини таъминлайдими".

Эслатиб ўтамиз, аввалроқ Парижда бўлиб ўтган “Иродалар коалицияси” йиғилиши якунлари бўйича Украина президенти Владимир Зеленский, Франция президенти Эммануэль Макрон ва Буюк Британия бош вазири Кир Стармер Украина ҳудудига халқаро кучларни жойлаштириш нияти тўғрисидаги декларацияни имзолаган эди. Иштирокчилар Киев учун хавфсизлик кафолатлари декларациясини ҳам имзоладилар.