Зеленский Трампнинг Путин билан келишувидан кейин ўзини хиёнатга учрагандек ҳис қилаётганини айтди

Украина президенти Владимир Зеленский АҚШ президенти Дональд Трампнинг Россия раҳбари Владимир Путин билан дизель ёқилғиси етказиб бериш бўйича келишувга эришиш қарори сабабли ўзини хиёнатга учрагандек ҳис қилаётганини тан олди.

Бу ҳақда у британиялик бошловчи Пирс Морганнинг Piers Morgan Uncensored дастурига берган интервьюсида маълум қилди.

Морган Зеленскийдан юз бераётган воқеалар сабабли ўзини хиёнатга учрагандек ҳис қилаётган-қилмаётганини сўради.

«Очиғини айтсам, ҳа», — дея жавоб берди Украина президенти.

Шунингдек, Зеленский Украина «кучли ҳамкорини йўқотаётгани»дан афсусда эканини билдирди.