Зеленский Трамп билан суҳбатда: "Россия ўзи бошлаган урушни тугатиши керак"

Украина президенти Владимир Зеленский Америка етакчиси Дональд Трамп билан телефон орқали мулоқот қилгани ҳақида хабар берди.

Бу ҳақда у ўзининг Telegram-каналида ёзди.

"Мен президент Трамп билан Суми вилоятидан қайтганимдан сўнг суҳбатлашдим. Бу суҳбат президент Трампнинг вакили Стивен Уиткоффнинг Москвага ташрифидан кейин бўлиб ўтди.

Бизнинг шериклар билан қўшма позициямиз мутлақо аниқ: уруш тугаши керак. Ва бу адолатли тинчлик бўлиши керак. Суҳбатда Европа етакчилари ҳам иштирок этди ва уларнинг ҳар бирига кўрсатган ёрдами учун миннатдорман. Биз Москвада айтилган гапларни муҳокама қилдик" — дейилади нашрда.

Зеленский Украина ўз мустақиллигини албатта ҳимоя қилишини ва узоқ муддатли ва барқарор тинчликни исташини таъкидлади. "Россия ўзи бошлаган урушни тугатиши керак. Украинани қўллаб-қувватлаган барчага раҳмат", - дея якунлади Украина раҳбари.