Украина президенти Владимир Зеленскийнинг маълум қилишича, ўтган тун давомида Украина шаҳарлари ва аҳоли пунктларига 420 дан ортиқ дрон ва 20 тадан ортиқ ракета билан ҳужум қилинган. Ҳужумлар натижасида 2 киши ҳалок бўлган, 15 киши яраланган.
Президент бу ҳақда Telegram саҳифасида маълум қилди:
"Россия томонидан амалга оширилган ўқ узишлардан сўнг Киевда ва Киев вилоятида, шунингдек, Харьков ва Ивано-Франковск вилоятларида қутқарув ва фавқулодда ишлар давом этмоқда. Сумск, Хмельницк, Кировоград, Николаев, Полтава ва Херсон вилоятларида зарба дронлари Украина ҳаво мудофаа кучлари томонидан йўқ қилинди", — деб ёзди Зеленский.
Унга кўра, Киевда болалар боғи, кўп қаватли турар-жой бинолари ва фуқаролик инфратузилмасига оид бир қанча объектлар ёнғинга учраган.
Шунингдек, Харьков ва Ивано-Франковскда оддий турар-жой бинолари вайрон қилингани маълум қилинган.
Зеленский ҳужумларни "ҳар доим инсонпарварликка қарши йўналтирилган" деб атади ва халқаро ҳамжамиятни яна бир бор Россияга қарши қаттиқроқ чоралар кўришга чақирди.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
