Зеленский Россия босиб олган ҳудудлар устидан Москванинг назоратини тан олади(ми)?

Зеленский Украинага қурол етказиб бериш ва NATO'га аъзо бўлиш йўли эвазига, Россия босиб олган ҳудудлар устидан Москванинг назоратини тан олишга тайёр — The Daily Telegraph

Нашрнинг хабар беришича, Доналд Трамп ва Владимир Путиннинг учрашуви олдидан Европа етакчилари Украина билан музокаралар ўтказиб, умумий позицияни келишиб олиш ва ўз сулҳ таклифини ишлаб чиқишга ҳаракат қилган. Ушбу режа доирасида Украина ҳарбий ҳаракатларни тўхтатиш ва рус ҳарбийлари назоратида бўлган ҳудудларни беришга рози бўлиши мумкин.

"Бу фронт чизиғини ҳозирги ҳолатида музлатиш дегани. Бироқ Киев бундай вариантга фақат “ишончли хавфсизлик кафолатлари”, яъни Украинага қурол етказиб бериш ва NATO'га аъзо бўлиш йўли тақдим этилгандагина рози бўлиши мумкин", дея ёзмоқда газета.

Москва эса Киев билан сулҳга эришиш шарти сифатида Украинанинг тўлиқ қуролсизланишини ва унинг NATO'га қўшилмаслигини талаб қилмоқда.