Россия президентининг ёрдамчиси Юрий Ушаков Москва Владимир Путин ва Зеленский ўртасида тўғридан-тўғри музокаралар ўтказишга тайёрлигини билдирди. Унинг таъкидлашича, Россия ҳеч қачон бундай алоқалардан воз кечмаган.
"Агар Зеленский ҳақиқатан ҳам учрашувга тайёр бўлса, Россия томони уни Москвага таклиф қилади. Унинг хавфсизлиги ва иш олиб бориши учун зарур барча шароитлар кафолатланади", — деди Ушаков.
Шунингдек, у 2025 йил кузида Путин Зеленскийга музокаралар учун Москвага келишни таклиф қилганини, бироқ Зеленский бундан бош тортиб, Россия президентининг ўзи Киевга келиши мумкинлигини айтганини эслатди.