8 май куни Украина президенти Владимир Зеленский Хотира ва нацизм устидан қозонилган ғалаба куни муносабати билан видеомурожаат эълон қилди. Мурожаат Киевнинг марказий кўчаси – Хрешчатикда ўралган ва махсус хавфсизлик чораларисиз селфи форматида ёзиб олинган.
“ Бу кун бизга муҳим нақшни эслатади: ҳар қандай ёвузлик муқаррар равишда барҳам топади”, деди Зеленский Мустақиллик майдонига чиқиб. У 2022-йил 24-феврал куни эрталаб Хрешчатик бўм-бўш бўлганини, аммо ҳозир “бу ерда ҳаёт борлигини” эслади . Президентнинг қўшимча қилишича, уч йил аввал худди шу кўчада Россиянинг ёқиб юборилган техникаси намойиш этилган: “Бу ерда фақат шундай парадни ёвузлик қабул қилиши мумкин”.
Зеленскийни 7 май куни Киев кўчаларида ўткинчилар билан бемалол мулоқот қилиб, улар билан суратга тушаётганида кўришган.
Зеленский ўз нутқида Киевдаги вазият ва Ғалаба паради арафасида ҳаракатланиш, мобил алоқа ва интернетга чекловлар киритилган Москвадаги хавфсизлик чоралари ўртасида параллеллик кўрсатди.
“Мустақиллик майдонидаги ҳаёт билан Қизил майдондаги қўрқув паради ўртасидаги фарқ шу”, деди у.
Айни пайтда, яқинда учувчисиз ҳаво ҳужумлари туфайли Россия пойтахтида хавфсизлик чоралари кучайтирилмоқда. Пайшанба куни, янги ҳаво рейдлари бўлмаганига қарамай, Москва аеропортларида 100 дан ортиқ рейслар кечиктирилди.
Кремл Москва марказида мобил алоқа ва интернет чекловлари камида 10-майгача давом этишини маълум қилди.Матбуот котиби Дмитрий Песков “хавфли қўшнилар” туфайли чораларни “мажбурий” деб атади ва қўшимча қилди: “Биз шонли Ғалаба байрами муносиб даражада нишонланишини истаймиз”.
Москвадаги парадда 30 дан ортиқ хорижий делегациялар иштирок этиши кутилмоқда.
Ҳоким ўринбосари ўзини ёқиб юбордими?
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
Шаҳбоз Шариф Покистоннинг ғалабасини эълон қилди
